2024-02-25

[多字少圖]關西玩到廣島6D5N之旅 Day0

相隔一個月多啲又飛多次日本喇!又係因為平機票囉!始終呢口價太吸引,好難抵受誘惑。話說樂桃有好震撼嘅優惠,喺我入職呢份新工一個月左右,推咗張單程飛大阪$150蚊嘅超平飛,喂喂喂,係百五蚊喎,連稅都係$315,冇得唔去喇,而事先搶呢張飛之前,已經用特別方法優先入手咗張回程飛,大阪往香港單程3540yen,連稅3870yen,大約二百幾蚊。後尾諗諗吓,玩6日大阪又好似好長咁,話晒之前去過關西兩次。結果之後HK Express響10月有megasale,加上當時又開咗新嘅廣島航點,果時做緊優惠,搶到廣島單程返嚟只需1750yen,真係痴線平,就係咁就自制咗大阪入、廣島走嘅Openjaw了!再加埋去程冇買行李,回程加購20kg行李3300yen,機票大約700蚊左右!

後來開始睇睇由關西玩到廣島可以點玩?其實必需要買一張JR pass,就係「廣西&廣島地區鐵路周遊券(https://www.westjr.co.jp/global/tc/ticket/pass/kansai_hiroshima/),5日費用13000yen,正好跟我的使用天數相乎。這樣我安排行程就更方便,依家這個pass的覆蓋範圍去計劃就好。再考慮酒店供應及價格,最後決定由大阪入之後直接前往神戶,玩向西走遊覽姬路、福山、岡山、倉敷、大久野島(兔仔島)、尾道、廣島、宮島。而今次特別期待去廣島食蠔、神戶舞子大橋見學、另外去兔仔島都係好期待啊啊。住宿方面在神戶住一晚(二宮旅館)、福山住兩晚(福山Station INN)、廣島住兩晚(Reino Inn廣島平和公園)。

而以下就是6天5夜的行程:
第一天:Nov19(四) 清晨到達關西機場->神戶->明石->舞子(明石大橋見學)->南京町 ->三宮神戶市役所
第二天:Nov20(五) Steakland平價神戶牛午餐->姬路城->福山->岡山後樂園
第三天:Nov21(六) 大久野島(兔仔島)->尾道->廣島站
第四天:Nov22(日) EVA新幹線->岡山城->倉敷美觀地區->倉敷Outlet->廣島
第五天:Nov23(一) 廣島原爆資料館->原子彈爆炸圓頂屋->吳市->廣島本通
第六天:Nov24(二) 宮島->嚴島神社->晚上廣島機場回港

至於點解是多字少圖呢,因為有一次去Trip時相機的SD卡很不小心地遺失了,然而又沒有Backup,所以只餘下很小很小的相片,亦是自己一個很深刻的教訓。

發佈留言

發佈留言必須填寫的電子郵件地址不會公開。 必填欄位標示為 *