2024-03-01

[泰歐港日-泰國] Day1-1 初到曼谷->曼谷機場換泰銖->機場捷運City Line->Bed Station Hostel

泰國曼谷酒店預訂推介AgodaBooking.com

泰歐港日第一站:曼谷!終於唔再係日本韓國啦,去曼谷,係第一次!初初對曼谷印象是比較落後、貧窮。但事實是曼谷是非常的時尚繁華,交通方便,而且英語都算好流行,也難怪香港好多人鐘意去曼谷。

而今次去曼谷係坐香港航空,呢張單程去曼谷嘅飛係另外訂嘅,起飛時間係7:50,到達時都係當地時間9:45,時間相當正!而呢班機又唔算好滿,隔離座位冇人坐,所以一個人坐咗兩個位,勁正。而且港航呢架機係大機,所以有齊娛樂系統,可以睇戲打機唔怕悶,仲有飛機餐食。

到咗曼谷啦,由落機位置行去過海關都要行好耐,呢個叫蘇凡納布機場,係2006年先投入服務咋,所以設施都好新。去到入境大堂,係相當多人排隊啊,而且甚麼國籍的人都有,唔單止反映呢個機場夠繁忙,亦代表曼谷係好國際化呢。雖然人多,但過關速度都算快,關員都冇問啲咩就過得。入境後就已經係拎行李嘅地方。不過行李就未出現,都再等咗15-20分鐘先有,好彩曼谷機場有提供免費Wi-Fi,速度都算快。

出禁區係喺機場要做兩件事:1. 唱錢(換泰銖),2. 買電話卡;唱錢方面,上面做過功課了,喺機場底層捷運入口附近有兩間找換店,一間叫Super rich,一間係Value Plus,兩間差不多係拍住的,滙率對比過不會相差太遠,如果想慳時間,揀較少人排隊果間就好了。而1蚊港幣大約係4.2baht,大約就換到1,500港幣For 3日用,都算唱得多。

之後就買電話卡啦,又要上返去剛剛入境果一層,買卡間公司係dtac,揀Plan、俾錢,就係咁簡單,然後俾埋電話佢哋就得,佢哋會好熟手咁幫手Set嘢,搞掂晒,肯定上到網先俾返你,

至於網速就絕對OK啦,好多人圍住果間就係啦,而呢張卡有1.5GB Data外,仲有100baht電話費,打長途返香港都得㗎。

唱完錢,搞完卡,就可以入市區啦。曼谷機場入市區主要都係捷運,的士,或者Uber,捷運相信就最舒適方便啦,我今次Book啲呢間Hostel鄰近phaya thai同ratchathewi之間,所以本身諗住搭到尾站行過去就OK啦,又唔駛轉BTS,由機場搭到尾站都只係45baht,泰國交通費真係好好好好平呀~不過機場捷運呢條線好繁忙啊,喺機場出發有位座,不過再兩、三個站就成架車迫滿人了。另外,泰國BTS站大多係架空而設的,所以又叫空鐵,但係升降機或者扶手梯係非常非常小,好多時都會上落樓梯,提著行李會好狼狽啊。

原先計劃是到了phaya thai就走路去,看google map不是好遠,但因為泰國實在熱!熱!熱!加上行李很重,是有點辛苦,又人生路不熟,都花了點時間找路,好彩都很快找到。而Bed Station會更鄰近BTS ratchathewi站,所以回程時都是轉一次車會較好。

今次訂Bed Station Hostel是相當平,住2晚平均每晚只是$91(8 beds mixed-dorm)(經Agoda搜尋|經booking.com),呢個價仲包早餐添!其實泰國住宿/酒店價位都不是貴,不過個人有點怕一個人住泰國酒店,所以都是住Hostel好點,而網上都有唔少曼谷Hostel介紹,睇過網上都有唔少人住過呢間,評價都唔錯,就揀呢間了。就算未到Checkin時間,都可以將行李放在行李房,不過行李房很細而且行李超多,都堆放到走廊了。

Bed Station Hostel是走工業風設計,都幾時尚又乾淨,而且住客較多是西方人,佢哋鐘意喺Common Area坐,或者Hostel門口坐。今次揀咗8人房,房空間唔算大,但床位空間都算夠,每個床位都有獨立電掣同燈掣,好方便,而且最鐘意設計係每個床位都有塊布簾,可以拉起布簾,住Mixed Dorm都不乏私隱度。浴室是整層共用,都算不錯,而且有風筒,很重要啊。至於早餐就是比較簡單,有多士和粟米片,還有咖啡及果汁供應,但這個價位,絕對是可收貨。

發佈留言

發佈留言必須填寫的電子郵件地址不會公開。 必填欄位標示為 *