政府派1萬蚊消費券，相信唔少人第一時間都諗起換新手機喇，合資格市民最快於4月7日起收到第一期HK$5,000電子消費券！今次版主就同大家分享消費券買各蘋果產品(iPhone、iPad、Apple Watch、Airpods Pro、Macbook等)嘅攻略，而且本網仲有特別限時優惠，派$800 Apple Gift Card俾大家，睇埋落去喇！
消費券可以買iPhone？
消費券適用於本地零售、餐飲和服務業商戶的實體及網上店舖，所以買iPhone或者其他電子產品都係合資格消費，實體店可以去Apple Store、大型電器舖等，如果喺網上買，可以去Apple Online Store(https://www.apple.com/hk/)或者豐澤百老匯果啲網店，留意海外嘅如Amazon、eBay、淘寶、天貓果啲係用唔到消費券架。
邊度買iPhone？
iPhone最穩陣就梗係去返Apple Online Store或者門店買喇，其次就係去啲大舖例如豐澤、百老滙、中原、衛訊、張毛記、J Select等等買，大家可以自行格吓價，不過買iPhone嚟講一般喺官方店同出面電器舖買價錢唔會差得幾多，唔會有好大折扣，反而好似豐澤就有得儲番易賞錢、J select網店有得儲Asia Miles($10=1里)，百老匯同衛訊呢啲都有得儲番會員積分，留意返一啲商場為咗吸引人去消費就會有消費券回贈禮券優惠，不過魔鬼在細節，係咪抵都真係要睇條款，而且呢啲優惠通常都有quota要爭餐懵。
留意唔係全部商戶都收晒4個消費券支付工具，例如Apple Store就只係收支付寶香港同Tap & Go俾消費券；豐澤門市同網店就收取八達通、支付寶香港同Tap & Go；百老匯就4個工具都收。
主要電器商戶接受支付工具一覽：
| 八達通 | Tap&Go拍住賞 | 支付寶香港 | WeChat Pay HK | |
|---|---|---|---|---|
| Apple Store | ✕ | ✓ | ✓(只限門市) | ✕ |
| 豐澤 | ✓ | ✓ | ✓ | ✕ |
| 百老匯 | ✓ | ✓ | ✓ | ✓ |
| 衛訊 | ✓ | ✓ | ✓ | ✓ |
| 友和 | ✓ | ✓ | ✓ | ✓ |
| J Select | ✓ | ✓ | ✓ | ✓ |
消費券第一期得$5,000，點買iPhone？
如果喺Apple Store買iPhone，較方便的方法係喺Apple Online Store買禮品卡(gift card)，禮品卡可以喺Apple零售店或網店用，而且沒有到期日，靈活性極高，買定之後用都得。而扣除禮品卡後，可用一般信用卡支付餘額。每次消費可一次過用8張禮品卡，所以就算分開兩期消費券用1萬蚊買禮品卡，都可以一次過用。Gift Card可於Apple Online Store內購買，並透過Tap & Go以Mastercard方式來支付。
之前咪提過本網有個限時優惠，送$800 Apple Gift Card。>>>即睇領取方法
如果喺豐澤、衛訊等大舖買，佢哋大多有提供「合併付款方法」，以豐澤為例，可於門市或網店用八達通或支付寶香港買豐澤現金券，每個帳戶可買2萬蚊，所以可搵埋屋企人/朋友嘅支付工具一齊買都得，使用禮券後嘅餘額可用不同的付款工具支付，版主推介以下兩張信用卡食迎新：
渣打國泰萬事達卡，迎新簽HK$5,000賺15,000里數(~1套來回台灣機票)>>>詳情
DBS Live Fresh信用卡，迎新高達$1,000回贈，網上消費5%回贈>>>詳情
第二期消費券幾時有？可唔可以儲埋共一萬蚊消費券買iPhone？
第二期消費券預計年中推出，詳情有待公布，而根據上次派消費券嘅經驗，用支付寶香港、Wechat Pay HK同Tap & Go都係可以儲埋兩期消費券嘅，但都要留意使用消費券嘅使用期限，第一期消費券嘅有效期到2022年10月31日。但係支付寶香港設有單筆消費限額，已做中級認證賬戶選用餘額付款的單筆消費限額為HKD 5,000，高級認證賬戶選用餘額付款的單筆或全年累計消費限額皆沒有上限。所以如果用支付寶俾錢，最好要先問下個別商戶可唔可以分單喇。
如果用八達通攞消費券礙於儲值金額上限為$3,000，所以係要邊駛錢再邊拎消費券，駛完4千蚊之後最快6月16日先攞埋餘下1千，所以未拎第二期之前可以考慮轉唔轉支付工具。
便利店有得買禮品卡喎，咁咪可以八達通買再上Apple Store買iPhone？
咪住咪住咪住，睇清楚呀！OK便利店係就係有Apple嘅App Store & iTunes禮品卡，但佢唔係Apple Gift Card，OK賣嘅叫App Store & iTunes禮品卡，係拎去App Store買嘢課金或iTunes買歌用㗎，可以買iPhone嘅係Apple Gift Card，淨係喺Apple Online Store賣~記住喇！
最新消息：豐澤抽籤1折買iPhone
由7/4-27/4，豐澤網店每3日就會推出登記抽籤買1折產品，而喺25/4就將會推出登記抽籤用1折價$849買原價$8,499 iPhone 13 Pro 128GB 松嶺綠(限量3部)，免費登記㗎~
Apple iPhone 13系列價錢一覽(Apple Store)：
| iPhone 13 Pro | iPhone 13 Pro Max | iPhone 13 | iPhone 13 Mini | |
|---|---|---|---|---|
| 128GB | $8,499 | $9,399 | $6,799 | $5,999 |
| 256GB | $9,299 | $10,199 | $7,599 | $6,799 |
| 512GB | $10,999 | $11,899 | $9,299 | $8,499 |
| 1TB | $12,699 | $13,599 |
另iPhone SE 價錢： $3,699(64GB)、$4,149(128GB)、$4,999(256GB)
有用連結大集合：
- Apple Store 買機網頁
- 豐澤消費券專頁： $5000消費券優惠| 付款程序及常見問題
- 百老匯消費券專頁：消費券優惠你要知
- 友和消費券專頁：電子消費券計劃- 專題精選- 最新資訊
- 蘇寧消費券專頁：消費券用得醒
- 衛訊消費券專頁：電子消費券小貼士
- 政府消費券計劃網頁
- 八達通消費券專頁
- Tap & Go 拍住賞消費券專頁
同場加映：2022消費券香港商場消費回贈消息
- 海港城
消費每HK$1,500(上限HK$15,000)即可換HK$50美食優惠券1張、HK$100美食優惠券1張及指定HK$100購物優惠券1張；消費每HK$4,000(上限HK$40,000)可額外換領指定HK$500購物優惠券1張;逢星期二及日享雙倍優惠券。>>>詳情 - 新城市廣場
即日電子消息滿HK$1,800送HK$450 IKEA、餐飲及商戶電子禮券；滿HK$5,000送HK$1,150一田、餐飲及商戶電防禮券；滿HK$15,000送HK$2,600傢俬、餐飲及商戶電子禮券。>>>詳情 - 荃灣廣場
透過任何電子貨幣消費(包括消費券四大平台)購物滿指定金額，可享高達$2,400獎賞，優惠涵蓋餐飲、運動用品、潮流服裝、美妝護理、影音電器及家居佈置各大範疇。>>>詳情 - 朗豪坊
4月21日起於零售商舖消費滿HK$500或HK$1,000，即賞10%餐飲回贈，即HK$50或HK$100現金禮券。>>>詳情 (有待最終公布) - 屯門V city
即日消費滿2,000港元，即可換領總值3,000港元的指定商場及商戶贈券/禮券。>>>詳情 - MegaBox
即日起至 5 月 31 日，使用 4 個指定支付工具消費滿指定金額，就可以換領多間商戶現金券、折扣優惠券、至潮家電等著數獎賞，多買多賞，回贈率高達 100%！另消費 HK$6,000 即可換領:德國寶迷你手壓咖啡泡茶機、消費 HK$12,000 即可換領:德國寶無線控溫養生壺。>>>詳情
註：以上內容資料依照撰文當時(4月4日當天)摘錄， 一切內容、價錢、條款請以訂購頁所示為準。以上圖片只供參考。一切以實物為準。資料僅供參考，優惠受條款及細則為準。(最後更新日期: 4月7日)
相關文章：
