2024-04-23

最新5G Plan優惠|HKBN 香港寬頻 VS CMHK中移動月費$149/100GB|一文看清兩台合約比較+分析

以往5G Plan真心貴到join唔落手,不過原來5G劈價潮嚟喇!繼早前介紹過HKBN香港寬頻$149/100GB超平價5G流動通訊計劃之外,CMHK中國移動都同時推出 100GB 5G 月費計劃優惠,月費又係HK$149!咁兩個台合約內容係點?有咩贈品?仲有無咩隱藏收費?等版主同大家分析喇!

1.HKBN 香港寬頻

  • 基本月費:HK$149 (+$18行政費,攜號轉台免行政費)
  • 本地數據用量:100GB 5G本地流動數據用量,其後5Mbps任用數據
  • 本地話音通話分鐘:3000 分鐘
  • 免費增值服務包括:留言信箱、來電等候、來電顯示、來電轉駁、電話會議及防止擅用電話功能
  • 合約期:24 個月
  • 附加服務:免費送6個月Disney+服務(如果自己訂要$73/月)、免費6個月網絡安全防護及防毒軟件、限時推廣期內再送$100 HOMEPLUS現金券
  • (如果唔要Disney+,可以揀合共5張$100 HOMEPLUS現金券)

***以上資料截至2022年4月6日,只供參考,一切請以HKBN網站所載資料作準。

2. CMHK 中國移動

  • 基本月費:HK$149 (+$18行政費)
  • 本地數據用量:100GB 5G本地流動數據用量,其後5Mbps任用數據
  • 本地話音通話分鐘:無限
  • 免費增值服務包括:來電轉駁服務組合、來電號碼顯示、基本留言訊箱、來電待接及來電暫待、電話會議、隨時拒接來電或防止打出及拒接來電(於海外)
  • 合約期:24 個月
  • 附加服務:免費送6GB中國內地及澳門數據、於中國內地/香港/澳門免費任聽來電

除此之外,CMHK 的 200GB 和 300GB 月費計劃同樣可享半價優惠,月費連行政費分別為 $217/月和 $267/月。大家可按照需要選擇合適的月費計劃。

***以上資料截至2022年4月6日,只供參考,一切請以CMHK網站所載資料作準。

(之後click返「限時半價月費」果版先啱呀)

逐點比較分析:

月費:(HKBN勝)
兩台都係$149一個月,但CMHK要焗俾$18行政費,無得豁免;而HKBN攜號轉台有豁免,一個月差18蚊,2年都差成$432㗎!不過如果本身都用緊HKBN咁點呢?可以用轉台「過冷河」大法,即係由HKBN轉去另一個台再轉返去HKBN咁。
本地數據用量:(打和)
話音通話:(CMHK勝)
HKBN每月3,000分鐘,CMHK無限,依家大家多WFH,或者多用電話打出打入聯絡嘅,無限分鐘好似彈性大啲。而且如果要往返香港、大陸、澳門,CMHK可以喺大陸同澳門免費接聽來電,都係一大優勢嚟。
附加服務:(打和)
呢方面好睇大家嘅使用習慣,以HKBN送6個月Disney+,價值HK$438,再加$100購物券,都可以當佢有5百幾蚊回贈;而CMHK有6GB中國內地及澳門數據,對於要經常中港澳三地走嘅人,真係勁方便,不過又咁講,如果真係經常往返三地,可能直接開個大陸號碼果啲plan仲好。如果間中去吓澳門大陸,數據日費都係十零蚊日啫(雖然依家都無得去…)。

提提大家:CMHK震撼半價月費優惠至4月30日(eShop限定),HKBN就無特別講明優惠至幾時,可能隨時完,有興趣就快啲申請定喇,還掂HKBN可以揀最遲180日後生效。而CMHK可揀最遲120日後生效。

攜號轉台溫馨提示:

如果原本係其他電訊商上台客戶,就要填寫姓名、身份證號碼,建議大家要留意返舊台原有合約嘅截數日,喺截數日前一兩日定為轉台生效日期,免得舊台收取額外一個月月費。舉例舊台係每月10日為截數日期,就咁應該揀8/9日開始新台服務。另外,如果係儲值卡攜號轉台,就入番原SIM卡上面印有嘅儲值卡ICCID號碼。而期間係唔需要通知舊台取消/終止服務,因為依家係轉台,唔係取消,如果同舊台講取消,會連個舊號碼都取消埋㗎。

相關文章:

如果網上消費想慳得更多?用「網購神卡」可以有5%消費回贈,指定商戶更有8%回贈,每簽帳$100就回$8,每次消費都有92折。講緊就係livi bank嘅paylater mastercard,即刻去開戶兼開卡!
用專屬推廣碼 7ztwc8h6 開戶,將可以獲得迎新現金獎賞。介紹按此

發佈留言

發佈留言必須填寫的電子郵件地址不會公開。 必填欄位標示為 *