又到聖誕～又到聖誕～聖誕想親手整DIY禮物送俾另一半、好朋友、閨蜜、家人製造驚喜？但又煩惱緊唔知整咩好？今次版主就搵嚟10大「聖誕DIY手作禮物」排行榜，獨特得嚟又有心思，趁住聖誕臨近快啲參加本地手作工作坊，喺佳節為佢送上神秘嘅心意禮物！
第十位推介 10th：自製紥染藝術品
每件紥染都係獨一無二的作品，效果千變萬化！而一個紥染袋或者紥染衫更係文青必備item。以下有兩個紥染DIY工作坊推介，Twilight Art Studio「藍靛染 · 傳統植物印染工作坊」，可以體驗藍染嘅樂趣，每人可整2件藍染作品，包括一件 T-shirt及2選1手提袋或枕套。另有手作班房「美式紮染課程」，美式紮染作品可以有多種顏色配搭，效果更有層次，可以選擇紮染襪子一對或方巾一條，作為聖誕禮物絕對夠窩心~
Twilight Art Studio「藍靛染 · 傳統植物印染工作坊」 (傳送門)
手作班房「美式紮染課程」(傳送門)
第九位推介 9th：自製手機殼/MacBook殼/iPad套
電話殼、iPad套雖然好易買到，但邊及得自己DIY咁有心思。Eeedot「流動藝術 × 手工機殼工作坊」就可以滿足你想DIY電話殼嘅需求，可選擇製作防摔電話殼/iPad套/MacBook殼，型號更可自定。以流動藝術創作，隨著顏料流動，每件作品都獨一無二，充滿個性。顏色任你選擇，再由專人協助你配色混合，製作出專屬禮物！
Eeedot「流動藝術 × 手工機殼工作坊」(傳送門)
第八位推介 8th：自製手工皂/手工香水
個個都鐘意香噴噴，親手整香噴噴嘅嘢作為聖誕禮物就夠晒體貼。今次介紹一個「調香體驗工作坊」，喺專業嘅調香導師細心指導下，DIY製作手工香水/手工擴香瓶/自選功能性冷制手工皂。特別係冬天天氣乾燥，如果收到一份有滋潤功效嘅手工皂就真係超滿足！而香水同擴香瓶，就有多達20種韓式香水原料可自由搭配，同樣係一份值得推介嘅聖誕心意禮物。
HK Companions「調香體驗工作坊」 (傳送門)
第七位推介 7th：手作永生花
永生花又叫「永不凋謝嘅鮮花」，佢本身就係鮮花，經過脫水、脫色、烘乾再染色等多重工序而成。永生花本身就係一份甜甜蜜蜜嘅禮物，其實仲可以襯托其他飾品，成為一份又實用又好睇嘅禮物同擺件！專做永生花創作藝術嘅Myosotis Flower有多個永生花手作工作坊，可以製作永生花盒、永生花花圈、永生花鏡、永生花小花樹、永生花香薰機、永花生盆栽、永生花小夜燈，總有一款啱你！無時間唔方便上Workshop？佢哋仲有永生花DIY材料包添㗎。
Myosotis.flower「永生花 DIY 工作坊」 (可選Workshop或郵寄材料包)(傳送門)
第六位推介 6th：迷你霓虹燈牌
近年流行以冷光線製作迷你霓虹燈，製作方法簡單之餘，更係超吸晴嘅打卡道具！你可以盡情發揮創意同想像力，製作千奇百態、獨一無二的霓虹燈傑作，為家居增添型格。除咗有Workshop之外，亦可以買材料包自己整，包材料郵寄同教學影片，滿足唔同人嘅需要~
Aura Art 愛畫室「LED霓虹燈藝術工作坊」(可選Workshop或郵寄材料包)(傳送門)
Myosotis Flower「扭扭扭迷你霓虹燈工作坊」(傳送門)
第五位推介 5th：押花字母燈箱
親手製作3D立體押花字母燈箱，字母隨你選擇，可選3-10字母，砌英文名又得、或者砌個詞語又得，可選喜好的花形與顏色。由經驗豐富的專業導師指導，初學者也可輕鬆掌握製作技巧。每一個晶瑩剔透的押花字母燈箱，無論開燈關燈都美不勝收，送禮自用兩相宜！
Little Bigger小物館「押花字母燈箱手作體驗」 (傳送門)
第四位推介 4th：手作皮革小物
好多人都會整DIY皮革小物作為禮物，因為夠實用又Keep得靚！想整皮革禮物又唔知點入手？今次推介皮革工作室嘅體驗速成班，可以學習製作皮革小物如銀包、卡片套、證件套等，可自選設計及皮革顏色，由專業導師耐心指導，自製獨一無二成品，皮革仲可刻字添！另外課堂可選擇製作皮玫瑰，表達浪漫心意。
LCM皮革工作室「自製皮革小物體驗班/皮玫瑰」 (傳送門)
第三位推介 3rd：手作木器(木碟/木花瓶/木盆)
唔知大家有無睇《野人老師》，當中咪有一幕咪整木碟木碗，識整都真係幾型㗎！原來自己整手作工器都唔係好難，而且作為聖誕禮物送人，收到嘅一定深深感受到創作者嘅用心！Little Corner HK就推出咗 「木旋工作坊/木雕刻工作坊」，木旋工作坊可以體驗木工車床及車刀，機會難得，親手學習表面打磨及上護木油，製作直徑14-16cm的木牒/木圓盤，亦有木花瓶可以揀，勁精緻，有多種木材款式可選。至於木雕刻體驗就唔駛用到車刀，利用鑿刀雕刻紋理木盤或者日式豆皿，作品同樣又靚又實用。
Little Corner HK 「木旋工作坊/木雕刻工作坊」 (傳送門)
第二位推介 2nd：Tufting自製毛毛地氈
近呢年瘋靡外國嘅創新Tufting手作傳到嚟香港喇！今年就送一份Tufting手作做聖誕禮物喇！又實用又靚！以毛冷作為「顏料」，Tufting Gun作為你嘅「畫筆」，「畫」出你最具代表性嘅心水圖案，發揮創意，DIY獨一無二嘅毛毛地氈，除咗地氈，Tufting仲有無限可能，可以製作杯毯 、枱毯、坐毯、掛牆裝飾、毛毛鏡、袋等，過程有專業導師從旁協助，零基礎零經驗都能輕鬆上手。市面上有愈開愈多Tufting Workshop，版主推介以下3間：
1)QQTufting：主打無限時Tufting，由每日中午12點可玩到凌晨12點，有駐埸導師教授Tufting編織及後期修剪技巧，超過90種毛冷顏色選擇，無限量提供。(傳送門)
2)Theflooriscold Studio：有超過一百種顏色供應，親手由零打造獨一無二的手工地氈，包涵各種毛毛飾品，如杯墊、掛飾、鏡子或手袋也絕無問題。(傳送門)
3)Shukkwan Art Studio：超誇張有300顏色選擇。任選製作Cushion/地毯/鏡框連鏡，Cushion會送獨立包裝Cushion芯一個，包括車拉鍊位置，方便你替換Cushion芯。而製作地毯會幫你貼上防滑底布。製作鏡框連鏡，鏡背特別有貼紙可直接固定牆上，安裝簡單方便！(傳送門)
第一位推介 1st：手作首飾/銀器/手鐲
登！登！登！登~終於到聖誕禮物第一位！就係親手製作戒指/首飾/銀器，出面買好容易，但自己整嘅銀器同首飾，就比珍貴更珍貴。今次有2個DIY首飾銀器工作坊介紹俾大家！
1)Obellery：位於中環PMQ專門製作各款首飾嘅小店，DIY Workshop有十幾款戒指款式可選，由簡約主義款，到複雜嘅高技巧款都可以體驗，人氣同好評數極高。另可選製作銀手鐲，同樣極受歡迎。獨家免費服務：1年珠寶保養和調整尺寸。(傳送門)
2)Dirty Hands Studio：位於葵涌，可選銅手鐲或純銀手鐲，可學到基本金工技巧 (如刻字、金屬表面處理、打磨、成形)，手鐲款式可製作：直款、扭款、雙扭款配以水波紋、樹紋、橫紋、拉絲紋等紋理。(傳送門)
以上聖誕禮物排名你又點睇？可以Share埋俾朋友一齊整！其他更多工作坊/興趣班可以慢慢揀>>>即睇
註：以上內容資料依照撰文當時(9/11)摘錄， 一切內容、價錢、條款請以訂購頁所示為準，敬請留意。圖片只供參考。
相關文章：
如果網上消費想慳得更多？用「網購神卡」可以有5%消費回贈，指定商戶更有8-20%回贈，講緊就係livi bank嘅paylater mastercard，即刻去開戶兼開卡！
用專屬推廣碼 7ztwc8h6 開戶，將可以獲得迎新現金獎賞。介紹按此。
