酒店預訂推介：Agoda｜booking.com
Blog主商務艙就未坐過啦，不過就常常可以用Lounge，點解呢？因為依家市面上有好多信用卡都可以入Lounge啦，而且申請門檻唔高，可以話低添，申請咗唔單止可以入Lounge，仲可以儲里數，好似今日介紹返張傍身必備嘅CX AE卡，全名叫美國運通國泰航空信用卡。
呢張卡有兩款，其實係一張高階卡，一張普通卡，高階果張係灰黑色的，有尊尚兩個字，普通卡就綠色的，有咩唔同呢？灰卡最正係可無限享用Plaza Premium Lounge，綠卡就冇啦，開卡時會送兩張Lounge入場券，用完就冇，想再入？可以上網問人睇下有冇網友唔要。儲里數都有分別，本地簽帳灰卡6蚊一里、綠卡8蚊一里，迎新方面，頭3個月灰卡最多可賺76,000里數，綠卡最多賺74,000里數，不過一定拎唔晒咁多㗎啦。
簡單嚟講，首先透過網上成功申請乜都唔做已經袋1,000里先，另外透過下面Link申請又額外有2,000里（灰卡）或1,500里（綠卡），即係批完卡乜都唔簽都有3,000里落袋。跟住就係戲肉啦，簽灰卡頭3個月簽$5,000有5,000里，簽綠卡頭3個月滿$3,000有3,000里，與此同時頭3個月本地簽帳會有$5一里，海外簽帳$3一里，一句講晒，就係頭3個月要狂衝簽多啲賺迎新，3個月過後啦喎，就未必簽佢啦。
即刻Click入申請 Link睇睇：http://amex.com.hk/（經呢條Link申請Blog主都會賺到額外里數）
受條款及細則限制
年費解密：
問：呢張卡係咪收年費？
答：係！係收的，灰卡年費$1,800，綠卡年費$980。不過兩張卡新申請都會豁免首年年費。
而1年之後理論上月結單就會有一項年費收費，如果唔想俾，就打上card center問下有冇得waive，如果無得waive，就同cs講取消卡就ok，因為年費係pre-paid下一年的，所以取消就唔駛交(已跟cs求證)。當年blog主持有的綠卡被收取年費，本身都預waive唔到打算cut，然後cs先生話好好人地話可以幫我由綠卡up做灰卡再waive埋年費，覺得AE嘅客服真係太好了！
＝＝＝＝＝＝＝＝＝＝＝＝＝＝＝＝＝＝＝＝＝＝
而有得入Lounge簡直係廉航恩物，因為廉航冇飛機餐冇嘢飲，而Lounge入面有自助餐食，雖然都係啲沙律吧、小食等等，又有酒水任飲，有梳化休息，還掂要食嘢，所以不如嚟呢度食餐飽！香港機場有3間Plaza Premium Lounge，其中兩間位於禁區、一間位於禁區外Terminal 2。Blog主 3間都去過晒，可以同大家分享一下：
1. 一號客運大樓第六層（近1號閘口）
呢個Lounge位於1號閘附近，係行完E道出境後最近嘅一個，亦係最多人嘅一個，有飲品無限供應，最出名嘅就係有魚蛋粉，另外仲有沙律吧，炒粉麵飯，小食糕點。座位都頗多，但時常在外面排好長隊。裡面環境相當很黑，另外還有電腦可供上網。
2. 一號客運大樓第七層（近40號閘口）<-大推!!!
同樣有魚蛋粉、腸粉、沙律吧、小食、還有蛋糕及三文治等。呢面呢個lounge係少人好多，個人比較鐘意呢個，因為外面是大玻璃窗，及開揚式設計，還可以看到飛機，比上面那一個更舒服。呢間Lounge位於40號閘附近，建議做完出境手續後，去坐捷運列車，於40-80號閘（中間那個站）落車，再上去，上到大堂後沿指示牌見到指著航空公司貴賓室，要找扶手電梯再上一層就會見到。
3. 二號客運大樓第三層（Arrival Lounge）
呢個Lounge喺Terminal 2，佢又冇寫明係Arrival Lounge，不過因為佢位於禁區外，其實就算有登機證都可以用得。呢個Lounge相信係最少人的(依家都唔算少了)，面積也不算細。食物數量不算少，有兩個熱盤，有一些香脆小食，沙律吧，即製的不是魚蛋粉了，換了是雲吞麵，另外還有西湯等。如果落機後很肚餓想醫肚，呢個地方都係唔錯選擇！
最後提提大家，使用機票貴賓室要出示信用卡、登機證及使用券（如適用）。