弊加伙，里數就過期，換唔到機票，換唔到吒叱飛，唔想換禮物，唔想換Staycation，唔通要白白睇住啲里數過期？原來仲有方法可以延續里數生命㗎。網主喺剛剛嘅10月底有里數到期，喺網上睇到有人分享可以同客服申請延期，不過唔知個方法仲work唔work，經過網主啱啱親自實測，個方法仲係可行，所以即刻同大家分享，如果您有里數到期，都可以跟版主嘅方法做呀。
第一步：版主首先喺里數過期前幾日同Asia Miles網上客戶服務員聯絡，以下係對話內容：
Asia Miles會提出特別安排方案，只需要90日由最少2個不同合作夥伴(包括航空里數、信用卡積分轉換、用餐所賺取的里數等)合共賺取3,000亞洲萬里通里數，就會免費恢復該筆過期里數，更重要嘅係，復活嘅里數係歸入「新制」，即係只要帳戶有新活動時(賺/用里數)，里數就會自動延期。
第二步：里數到期日後180天內再次同客戶服務員聯絡，確認有關安排，以下係對話內容：
第三步：90日內完成任務，記住要2個唔同夥伴賺里數(例子：Openrice訂檯、轉換信用卡積分、易賞錢轉里數、中電積分轉里數、asiamiles網上購物、dokodemo 購物(網址)等)，版主先用DBS信用卡積分轉咗3,000里數入帳，另外再加渣打國泰信用卡每月自動入里數，當任務完成後，過期里數就會自動復活。
三步曲方法好簡單呢，大家不妨試試呢個方法。不過唔擔保呢個方法會唔會突然煞停或取消，所以喺里數到期前就要先同客戶服務員聯絡喇。
***2022/05 updated: 有指以上方法喺5月起已不再適用，所以暫時可揀以下方法。***
仲有另一個方法～申請渣打國泰信用卡：
如果您係從來無持有渣打國泰萬事達卡嘅新客戶。喺2022年12月31日或之前透過國泰網站成功申請渣打國泰萬事達卡，國泰會免費更新你喺2020年1月1日前所賺取的里數結餘有效期。(就算之前已經有里數到咗期扣咗里數，都可以復活) *優惠受條款及細則約束
有關渣打國泰萬事達卡嘅著數同迎新優惠，請睇呢篇文章：
最後更新日期:10月3日
