「名勝世界」旗下名勝世界壹號首航數月，現時有兩條由香港出發快閃台灣嘅航線都大受歡迎，包括「3日2夜香港-高雄-香港」郵輪航線同「4日3夜香港-高雄-澎湖-香港」郵輪航線！今次版主整理咗多條名勝郵輪大家經常都會問嘅問題，例如入台證點做，幾點有得Check-in，高雄碼頭近咩站附近有咩景點等等，如果大家嚟緊會上呢艘郵輪，或者計劃緊下一次郵輪假期，都可以參考吓以下常見問題呀。
名勝世界壹號郵輪常見問題
Q1: 坐名務世界壹號郵輪去台灣要整入台證嗎？
答：同坐飛機去台灣一樣，坐郵輪入境台灣都要整入台證，申請網址：https://ncp.immigration.gov.tw/GlobalQA/，選擇身份為香港澳門居民，再選擇港澳居民網路申請臨時停留許可(網簽)。
Q2: 入台證份form有一般單次入出境許可證 同 搭乘郵輪1次2證，應該揀邊個？
答：無論係4日3夜定3日2夜，都係揀「一般單次入出境許可證」，「搭乘郵輪1次2證」係指某些郵輪航線才適用，例如香港->台灣->日本->台灣->香港，雖然揀錯咗都唔緊要，但如果你3個月內再到台灣，就只限坐郵輪入境。
Q3: 預定入境機船班/預定出境機船班填咩？
答：坐名勝世界壹號入境台灣，入境同出境機船班都係填ResortsWorldOne。
Q4: 來臺地址點填？
答：來臺地址只需填寫名勝世界壹號郵輪，入境日期就是停泊高雄的日期。
Q5: 在臺聯絡人姓名/電話點填？
答：可以填寫由名勝世界壹號郵輪客服提供的資料，
台灣聯絡人：REX WU、電話：886 75361585、地址：高雄市鼓山區蓬萊路10號
Q6: 上船(往台灣航線)要咩證件？
身份證、護照、入台證、入台證連護照影印本(入台證連護照要列印在同一A4紙上，不可分開，樣版，黑白及彩色均可，碼頭有影印服務$5一張黑白影印)。如公海遊只需要香港身份證。
Q7: 香港郵輪碼頭幾點可以Check-in？
答：星期三出發嘅航程：15:00 郵輪碼頭開counter，會檢查證件及發放房卡，16:00先開始過關 ；至於星期日出發航程：13:00開counter，14:00先開始過出境關及上船。
Q8: 即場升級皇宮套房幾錢？
答：Check-in時會有職員問有無興趣升級皇宮套房，last minute upgarde平好多，但房間有限，先到先得，皇宮房全船只有11間。内艙房升皇宮，4人一房加3150(全程計及視乎人數)，3人一房2700左右(全程計及視乎人數)，如内艙房升海景露台房只加550。如果在碼頭職員話無房，可以1600上船後衝去7樓船中前台詢問。(升級價需要視乎出發日期及每次航程房間供應而定出，只供參考 )
Q9: 皇宮房有咩特別？
答：房間大，有廳，有按摩浴缸，免費房間小食飲品，免費Wi-Fi，24小時皇宮餐廳飲品，happy hour 1700-1900 12樓船頭可免費飲酒，有專用泳池，每日一次水療，可食5間 付費餐廳指定皇宮套餐(包括鐵板燒)，管家服務，睇show預留靚位，優先上岸。
Q10: 船上有咩免費餐廳？
答：中菜廳百味軒、星夢餐廳、麗都自助及燒烤餐廳
Q11: 船上SHOW幾點？駛唔駛預約？
答：船上免費表演不需預約，先到先得，建議可預早約15分鐘到達預早入去揀靚位。而表演每晚通常會演2場，頭場相對少人。
Q12: 3天香港-高雄-香港航程，到達高雄後，大約幾點落船？
答：郵輪1pm抵達高雄，1pm-2pm分批落船，9pm開船出發，最遲8pm上船。
Q13: 高雄碼頭近邊個輕軌站？
答：高雄最近嘅輕軌站係駁二大義站。
Q14: 高雄上岸可以去邊玩？
答：旗津半島：建議可以碼頭對面坐的士去鼓山渡輪碼頭(約5-10分鐘)，再坐渡輪往旗津(約10分鐘)。可再加往六合夜市。
碼頭附近景點：駁二藝術特區 & 大港倉
商場：坐輕軌去夢時代購物中心
夜市：六合夜市
Q15: 高雄碼頭截的士方便嗎？
答：非常方便，一出來已經有很多的士等客，如果有4人也可以選擇包車。
Q16: 4天高雄+澎湖航程，到達澎湖後，大約幾點落船？
答：澎湖沒有郵輪碼頭，所以要坐接駁船往返郵輪同碼頭，前一晚去前台攞定澎湖落船時間票。時間分為：8:00、8:30、9:00
Q17: 澎湖方便自由行嗎？
答：自由行不太方便，除非有電單車牌可以租電單車，到澎湖後建議在碼頭直接找包車/拼車，或者參加船公司岸上觀光，船上司岸上觀光還有一個好處，就是會安排較早下船。
Q18: 船上設施啱小朋友？
答：有泳池、滑梯、遊戲機中心、小小夢想家(免費托管小朋友2小時，有職員陪小朋友玩)
Q19: 泊岸後可唔可以唔落船？船上設施照開嗎？
答：可以選擇唔落船，船上設施同餐廳都會照開(賭場除外)
Q20: 哪裡可以訂名勝世界郵輪船票？
答：可以經klook、kkday訂購，都是比較知名的旅遊網站，根據經驗klook會更快確認是否有房。
Q21: 可不可以Stay behind，留多幾天才回程？
答：香港有旅行社提供這種旅行團/套票，可以去永安旅遊訂購，坐郵輪到達台灣後，會留在台灣3晚，再坐郵輪返回香港。
Q22: 聽講名勝世界郵輪有新航線，唔去台灣？會轉目的地？
答：名勝世界郵輪公布9月24日起會改為營運香港<->三亞航線，3日2晚三亞海上遊航程(逢周三出發)、4日3晚三亞歡樂遊航程(逢周日出發)，另3日2晚公海遊(逢周五出發)就會保留。
Q23: 上完名勝壹號，仲有無其他郵輪推介？
答：除咗名勝世界壹號郵輪，大家亦都可以揀皇家加勒比國際遊輪海洋光譜號，新加坡、馬來西亞、泰國郵輪航線，不過就由新加坡出發同落船，所以要先飛去新加坡坐郵輪，不過皇家加勒比國際遊輪呢艘船設施、配套同規模都比名勝世界壹號大好多，如果玩完名勝世界壹號，建議下次可以玩呢隻，依家見到永安旅遊個套票，包埋來回新加坡機票同郵輪船票，最平$9099起，詳情可以喺呢度睇睇。
而最新消息亦指，海洋光譜號會將香港納入為重點停泊港/途經香港，2024年至2025年1月將會有7個香港母港航次！分別有4-5晚嘅越南同日本，沿途停泊日本鹿兒島、宮崎、長崎同福岡，大家都密切留意喇！
而出年亦都會其他由啟德郵輪碼頭出發嘅航線揀喇，例如2024年2月份歌詩達郵輪來往日本嘅郵輪航線，10日航程橫跨農曆新年假期，或者6日嘅航程早鳥船票優惠最平$3699起，大家可以去永安旅遊睇睇。
相關文章：
(其餘常見問題陸續更新…也可以留言及版主)
註：以上資料不時更改，只供參考，一切資訊以官方解釋及公布作準。(文章最後更新日期: 3/8/2023)
另見相關文章：名勝世界壹號郵輪海上假期優惠價錢
名勝世界壹號郵輪/影片介紹：
「名勝世界壹號」擁有目前亞太地區最快的航速，排水量也高達75,338噸，是標榜五星級品牌「名勝世界郵輪」船隊的最新成員。其承襲集團品牌DNA，設置船中船概念的「The Palace皇宮」專區，擁有超過40間套房及其專屬歐式管家服務，為高端旅客量身打造尊享禮遇。 「名勝世界壹號」特別打造了世界級的大型舞台義大利風格的精緻海上空間共有13層樓高，船上設有928間艙房，以及各種國際郵輪應有的設施，可供1,856名乘客搭乘並彙集多項娛樂及休閒設施，包括VR探索館、星座劇院、棕櫚閣、羅馬泳池、健身中心、水療中心和美髮沙龍等；更為饕客打造最為豐富多元的海上餐飲選擇，包括：免費餐廳有星夢餐廳、麗都自助餐廳、百味軒等，及海馬日式料理、絲路花舞中式餐廳、亞洲美食藍湖餐廳、義大利披薩餐廳、海鮮燒烤餐廳火鍋等供應各種異國美食佳餚。
下載郵輪小冊子
相關推介：
